Вазифаи ташкилот

     Ҳангоми гирифтани қарз ва пеш аз мӯҳлат қисман ва ё пурра пародхт намудани он аз шумо пардохтҳои маъмури ва ё ҷарима ситонида намешавад. Лекин дар сурати саривақт пардохт накардани қарз аз шумо барои ҳар як рӯзи таъхир аз пардохти батаъхирафтода ҷарима ба андозаи (0,10% фоиз) барои ҳар як рӯз аз бақия қарз ситонида мешавад. Бодиққат пеш аз имзо намудани шартномаи қарзӣ, ки ҳуҷҷати ҳуқуқӣ мебошад,  бо шартҳои он шинос шавед. Аз хизматчиёни қарзӣ ҷои нофаҳмои шартномаро пурсед.Таърихи қарзӣ -  ин маълумот дар бораи қарзгиранда мебошад, ки дар он шумораи дархостҳои қарзии пешниҳодшуда ва шумораи қарзҳои тасдиқшуда, аз ҷумла ба кадом бонкҳо муроҷиат кардани ӯ, қобилияти пардохтпазирӣ, ба сифати кафил ё шарик баромад кардан ва дигар маълумот доир ба қарзгир, ки барои бонкҳо муҳиманд, дарҷ гардидааст.

Муроҷиатҳои мизоҷон     

       Тартиби коргузорӣ оид ба муроҷиатҳои шаҳсони воқей ва ҳуқуқӣ.
Тартиби қабул ва баррасии муроҷиатҳои истеъмолкунандагон аз тарафи фонд дар асоси Қонуни ҶТ “Дар бораи муроҷиатҳои шахсони воқеӣ ва ҳуқуқӣ” ва “Дастур оиди коргузорӣ бо муроҷиати шахсони воқеӣ ва ҳуқуқӣ” ба роҳ монда шудааст. Баррасии ҳамаи арзу шикоятҳои мизоҷон дар мӯҳлатҳои муқаррар намудаи Қонуни ҶТ “Дар бораи муроҷиатҳои шахсони воқеӣ ва ҳуқуқӣ” аз ҷониби масъулини фонд баррасӣ карда мешавад. Мӯҳлати умумии баррасии арзу шикоятҳо наметавонад аз 30 рӯзи тақвими зиёд бошад. Дар ин хусус ба муроҷиаткунанда дар мӯҳлати се рӯзи корӣ хабар расонида мешавад. Муроҷиатҳои мизоҷон (арзу шикоятҳоро) дар шакли хаттӣ ва шифоҳӣ қабул карда мешаванд.
    Шахси масъул оид ба баррасии арзу шикоятҳои мизоҷон:  

                                              Искандаров  Дилмурод

    Истеҳсоли мебел, ноҳияи Лахш, ҷамоати шаҳраки Ваҳдат. Давронов Ҳоҷибек ҳамасола бо бародараш ба муҳоҷирати меҳнатӣ рафта, дар таъмини осудаҳолии оилаҳои худ заҳмат мекашиданд. Муҳоҷирати онҳо мавсимӣ буда, аз баҳор то тирамоҳ тӯл мекашид. Пандемияи фарогири COVID‐19 ва баста гардидани сарҳади байни давлатҳо боиси ҷустуҷӯи роҳҳои нави фаъолияти корӣ гардид. Аз эълон ва варақаҳои интишоршуда Давронов Ҳ. дар бораи қарзҳои имтиёзноки БР СММ огаҳӣ пайдо кард. Пас аз нақшагирии самти фаъолият ва истифодаи васеъ аз таҷрибаҳои давраи муҳоҷират барои гирифтани қарзи имтиёзнок муроҷиат намуд. Баъди дида баромани дархости Давронов Ҳ. имкониятҳои молиявӣ ва гарави пешниҳодшуда дархости ӯ ба маблағи 45 000 сомонӣ барои истеҳсоли мебел қонеъ гардонида шуд. Дар муддати якчанд рӯз мизоҷ бинои мувофиқро ба иҷора гирифта, таҷҳизоти лозимиро харидорӣ намуд. Фаъолияти мазкур имконият дод, ки 6 нафар бо ҷои кори доимӣ таъмин гардад. Сифати хуби маҳсулоти мебелии мизоҷ доираи васеъи харидорони худро пайдо намуд. «Ман аз дастгириҳои молиявии Ҳукумати Федератсияи Русия ва БР СММ қаноатмандам. Умедворам, ки ҳамкориҳои мо дар оянда рушду такомул меёбанд»‐ мегӯяд Давронов Ҳ. Мизоҷ нақша дорад, ки дар водии Лахши боло нуқтаи хурди истеҳсоли мебелро ифтитоҳ намуда, дар таъсиси ҷойҳои нави кории минтақа саҳми худро гузорад. Ин чунин мизоҷ нақшаи аз худ намудани бозорҳои ноҳияҳои ҳамсояро бо таъмин сохтани мебелҳои хушсифат кашида аст. Давронов Ҳ. дар истеҳсоли маҳсулоти худ аз ашёи хоми босифати аз ҷиҳати экологӣ бехатари ватанию хориҷӣ истифода мебарад. Мавсуф дар сохтани мизу курсиҳо, ҷевонҳо, рахтҳои хоб ва дигар маҳсулоташ аз дизайн ва идеяҳои нав васеъ кор мегирад.
                                                                                                            Давронов Ҳоҷибек Телефон: 901 20 22 57